Foto di Donello Scarpinato, Location: Via V.Emanuele - Enna
Il titolo "U quartiri" è ispirata da una poesia del poeta ennese Giuseppe Polizzi.

Quartiri
Su mancu aviti nenti cchì fari,
na caminata vi fazzu fari,
e su un sapiti unni iri
facimini un giru di li quartiri.
Partimu tutti di San Francì
ca la sciata va fazzu ì.
Currimu tutti cumu li pazzi
da Sciata e Scarpara a e Tri Palazzi
simu arrivati a Lummerdì
e ora calamu a Santulì!
Vrami di carusi e canti di grigghi
hamu un passato di Beddivirdi.
Sta scinnuta di basuli ranni
veni chiamata Funtana Ranni.
E s'anu fattu già quasi l'uttu
e sumu junti ancora o Pisciuttu.
N'atra sciata ca fa 'mpressioni
jè a acchianata da Passioni.
Vidumu tanti acchianati e pinnini
'nfina arrivari o Chianu e Prucini!
E su suntimu na botta di vintu,
stamu arrivannu o Mulinu a Vintu!
Simu già stanchi e che i gammi a vriutulu
stamu scinninnu a calata do Pupulu.
Continuamu sta caminata
'zina arrivari o chianu a Balata.
Stritti e arrasati tra casi e casi,
stamu passannu di Santu Masi,
allintamu lu passu e ittamu suduri,
do Cuzzu a Musedda o Passu Signuri!
do Quatrivio acchianamu o Munti
e ccu i Funnurisi l'amu vistu tutti !
E su un s'ha scurdatu nenti a mi penna,
chisti su tutti i quartiri di Enna.
Giuseppe Polizzi